velu malayan

///மக்கள் நலனுக்காக அரசின் அவலங்களை பாட்டு மூலமாக பிரச்சாரம் செய்யும் தெருவோர மேடைப் பாடகரான நாராயண் காம்ளேவை மேடையில் பாடிக் கொண்டிருக்கும் போதே காவல்துறை கைது செய்கிறது. அதற்கான காரணம் நாராயண் காம்ளே பாடிய பாடலால் தான் வாசுதேவ் பவார் என்ற மனித மலம் மற்றும் சாக்கடை குழிக்குள் வேலை செய்யும் தொழிலாளி தற்கொலை செய்து கொண்டார் என்று கூறி கைது செய்கிறது. நாராயண் காம்ளேவிற்கு ஆதரவாக வினய் வோரா என்ற மனித உரிமை ஆர்வலர் மற்றும் வழக்கறிஞரும், நாராயண் காம்ளேவிற்கு ஜாமீன் வழங்கக் கூடாது என அவருக்கு எதிராக ஒரு பெண் வழக்கறிஞரும் வாதாடுவது தான் Court படமே. வினய்வோராவாக நடித்திருக்கும் வழக்கறிஞர் இந்தப் படத்தின் தயாரிப்பாளர் விவேக் கோம்பர்.ஒரு மனித உரிமையாளர்,வழக்கறிஞர் என்ற பாத்திரத்தில் நாராயண் காம்ளே விற்கு ஜாமீன் வாங்கி கொடுப்பதாகட்டும், இறந்து போன வாசுதேவ் பவாரின் மனைவி ஷர்மிளா பவாரை அவர் வசிக்கும் சேரிப் பகுதியில் தன் காரிலேயே கொண்டு சென்று விடுவதாகட்டும்,ஒரு குறிப்பிட்ட சமூகத்தைச் சேர்ந்த இருவரால் தாக்கப்படுவதை நினைத்து அழுதுவிட்டு அடுத்த நாளே தன் அன்றாட பணியை கவனிப்பதாகட்டும் என சிறப...

///நான் வெகு நாட்களாக தேடியும் கிடைக்காத புத்தகம் இது. பவானியில் உள்ள வனம் பதிப்பகத்தை அணுகியும் கையிருப்பு இல்லை என சொல்லப்பட்டது.ஏன் இந்நூலை எழுதிய சா.பாலமுருகன் அவர்களிடம் கூட பேசினேன் அவரும் கையிருப்பு இல்லை என சொல்லிவிட்டார்.இப்போது எதிர்வெளியீடு பதிப்பகம் நவம்பர் 2019 ஆண்டின் 12வது பதிப்பாக மறு பதிப்பு செய்துள்ளது இந்நூலை.இந்நூல் கிடைத்தது மட்டற்ற மகிழ்ச்சி.அவசரம் கருதி உடனே அனுப்பி வைத்த amazon நிறுவனத்தை நோக்கி என் கைகள் உயர்கிறது வணங்க///

///ஆற்றின் அடி ஆழத்தில் யாருக்கும் தெரியாமல் சலனமற்று கிடக்கும் கூழாங்கற்களைப் போல எவரும் கவனிக்காத எளிய மனிதர்களின் மீதான கரிசனம் தான் எஸ்.ராமகிருஷ்ணனின் எழுத்துக்கள். தனிமையின் நூறு ஆண்டுகள் என்ற ஒரே ஒரு புத்தகத்தை வாங்க அவர் டெல்லி சென்ற கதையை அவர் சொல்லி கேட்டிருக்கிறேன். சென்னையில் தங்க வீடில்லாமல் தன் நண்பன் அறையில் தங்கியிருந்த போது தேடித் தேடி வாங்கிய புத்தகங்களை தன் நண்பன் அறையில் வைத்து விட்டு சில நாட்கள் கழித்து நண்பன் அறைக்கு போனபோது அவன் அறையை காலி செய்து விட்டான் என்றும்,அந்த புத்தகங்களை பழைய புத்தகக் கடையில் விலைக்கு போட்டு விட்டான் என்பதை அறிந்து அந்த புத்தகங்கள் எந்த பழையக் கடையில் விற்றிருப்பான் தன் நண்பன் என்று தேடித் திரிந்த அவஸ்தையை நண்பன் செய்த அவமானத்தை என் அவஸ்தையென,என் அவமானமென உணர்ந்திருக்கிறேன். புத்தகங்களுக்கென ஒரு வீடு அல்ல, ஒரு அறை ஒதுக்குவதே இங்கு அரிது. எனக்கு ஒரு கனவு இருக்கிறது.அது புத்தகங்களுக்கென ஒரு வீட்டையே ஒதுக்குவது. தற்போது என் வீட்டின் இரண்டு அறைகளில் இருக்கும் புத்தகங்கள் என் வீட்டின் எல்லா அறைகளையும் நிரப்புவதற்கான புத்தக நுகர்வ...

காச்சர் கோச்சர் நாவலை முன்வைத்து  இந்திய மொழிகளில் அதிக ஞானப் பீட விருதுகளை பெற்ற மொழியாக கன்னட மொழி உள்ளது என்பதன் வழியே அதன் இலக்கிய செழுமையின் ஆக்கிரமிப்பை  அறிந்து கொள்ளலாம். குவேம்பு தொடங்கி தத்தாத்ரேய ராமச்சந்திர பிந்த்ரே,சிவராம காரந்த், மாஸ்தி வெங்கடேச ஐயங்கார், யூ.ஆர்.ஆனந்தமூர்த்தி,கிரிஷ் கர்னாட் சந்திரசேகர கம்பாரா ஆகிய எழுத்தாளர்கள் என கிட்டத்தட்ட எட்டு ஞானப் பீடப் பரிசுகளை கன்னட மொழிக்கு வாங்கிக்கொடுத்துள்ளார்கள். தமிழில் அகிலனுக்கு அடுத்து  கால் நூற்றாண்டுக்கு மேல் கால்கடுக்க நின்ற தமிழை ஜெயகாந்தன் ஞானப் பீடத்தில் அமர வைத்தார்.தமிழின் இலக்கிய தரம் அகிலனையும்,ஜெயகாந்தனையும் இன்னும் தாண்டாமல் நிற்கிறது.சிவராம காரந்துக்கும்,யூ.ஆர்.அனந்தமூர்த்திக்கும் ஈடாக எவரையாவது தமிழில் கைகாட்ட முடியுமா?ஆனால் தமிழிலிருந்து தோன்றிய கன்னட மொழி மிகச் சிறந்த இலக்கிய படைப்புகள் மற்றும் படைப்பாளிகளின் வழியே மற்ற மொழிகளை தாண்டி தன்னை முன்னகர்த்தி முன் நிற்கிறது. அப்படிப்பட்ட கன்னட மொழியிலிருந்து ஒரு நவீன உளவியல் புனைவு வடிவில் வந்திருக்கும் நாவல் தான் காச்சர் கோச்சர். நவீ...

///30.11.2019 அன்று தருமபுரி முத்து இல்லத்தில் நடந்து முடிந்த தகடூர் புத்தகப் பேரவையின் 3வது புத்தக அறிமுக விழாவை முன் வைத்து      தினசரிகளைத் தின்று செரித்து வாழும் சராசரிகளிலிருந்து விலகி சரியான பார்வையில் இந்த சமூகத்துடன் உறவு பேணுபவன் ஒரு சிறந்த வாசிப்பு பழக்கம் உள்ளவன் மட்டுமே.சராசரிகளின் இந்த இயந்திர  வாழ்க்கை என்பது மென்று துப்பிய கரும்பு சக்கைகள். சராசரிகளிலிருந்து நாம் எதையும் பெற முடியாது. அவைகளில் எவ்வித வளர்ச்சி நோக்கும் இருக்காது.வாசிப்பு ஒருவனை கூர்மையான பார்வை கொண்டவனாக மாற்றுகிறது. அவனுக்கு சமூகத்தின் மீது நுண்மையான அவதானிப்பை ஏற்படுத்துகிறது.வாசிப்பு மட்டுமே ஒருவரை அறிவை நோக்கி,புதுமையை நோக்கி நகர்த்தும்.அப்படி தருமபுரியை அறிவை நோக்கி நகர்த்தும் பணியை தகடூர் புத்தகப் பேரவை முன்னெடுத்து அதை தொடர்ந்து செயல்படுத்தி வருகிறது. இரண்டு ஆண்டுகள் நடந்து முடிந்த தருமபுரி புத்தகத் திருவிழாக்களின் வழியே தருமபுரி மக்களின் வாசிப்பு பழக்கத்தையும்,அதை நோக்கி அவர்களை வரவழைத்ததும் தகடூர் புத்தகப் பேரவையின் ஆகச் சிறந்த பணியென கருதுகிறேன். தருமபுரி மாவட்டம் கல்வி,ப...